-
അർദ്ധ വാർഷിക സെനറ്റ്. KCYM SMYM കാസറഗോഡ് ഫൊറോന
- 19,Feb 2024
- Posted By : admin
- 0 Comments
കെ.സി.വൈ.എം – എസ്.എം.വൈ.എം കാസറഗോഡ് ഫൊറോനയുടെ 2023-24 വർഷത്തെ അർദ്ധവാർഷിക സെനറ്റ് സമ്മേളനം* 18/02/24 ഞായറാഴ്ച രാവിലെ 11:00 മുതൽ ഹോസംഘടി ഉണ്ണി മിശിഹാ ദൈവാലയ ഓഡിറ്റോറിയത്തിൽ വെച്ച് നടത്തപ്പെട്ടു. ഫൊറോന പ്രസിഡൻ്റ് ഫെബിൻ ചിറയിൽ അധ്യക്ഷത വഹിച്ച സമ്മേളനം ഫൊറോന ഡയറക്ടർ റവ.ഫാ. ഷിൻസ് കുടിലിൽ ഉദ്ഘാടനം ചെയ്തു . ഹോസംഘടി ഇടവക വികാരി റവ. ഫാ. സുബിൻ റാത്തപള്ളി അനുഗ്രഹ പ്രഭാഷണം നടത്തി. ഫൊറോന വൈസ് ഡയറക്ടർ സിസ്റ്റർ ഷാലിൻ, യൂണിറ്റ് വൈസ് ഡയറക്ടർ സിസ്റ്റർ ആൻലിജി എന്നിവർ ആശംസകൾ നേർന്നു.
ഫൊറോനയിലെ യൂണിറ്റുകളുടെ അർദ്ധ വാർഷിക റിപ്പോർട്ട് അവതരണവും വിലയിരുത്തലും നടത്തി. ഫൊറോന അർദ്ധ വാർഷിക റിപ്പോർട്ട് ഫൊറോന ജനറൽ സെക്രട്ടറി അജിത്ത് ആഡ്രൂസ് അവതരിപ്പിച്ചു. സംഘടന ചർച്ചയും മുന്നോട്ടുള്ള പ്രവർത്തനങ്ങളുടെ ആലോചനയും ഫൊറോന ഡയറക്ടർ, ഫൊറോന ഭാരവാഹികൾ എന്നിവരുടെ നേതൃത്വത്തിൽ നടത്തപ്പെട്ടു.
